Дин 20 декабрь 2016 10:29

Мөфти Равил Гайнетдин Россия илчесе Карловның үтерелүен кискен тәнкыйтьләде

Аны чын патриот, нечкә тоемлаучы аналитик һәм шәп дипломат буларак белә идек, диелә рәсми кайгынамәдә.

Скопировать ссылку

(Казан, 20 декабрь, “Татар-информ”). Мөфти шәех Равил Гайнетдин, Россиянең Төркиядәге илчесе Андрей Карловның һөҗүм нәтиҗәсендә һәлак булуы уңаеннан, аның гаиләсенә һәм Россия Тышкы эшләр министрлыгына кайгы уртаклашуын белдереп мөрәҗәгать итте. Россия Федерациясе мөселманнары Диния нәзарәтенең рәсми сайтында шул хакта хәбәр ителә.

“Россия Федерациясе мөселманнары Диния нәзарәте, Россия Мөфтиләр шурасы һәм шәхсән үз исемемнән Россиянең Төркия Республикасындагы илчесе Андрей Геннадьевич Карловка һөҗүм иткән кеше үтерүченең гамәлләрен кискен гаеплим, һәлак булучының гаиләсенең, якыннарының, иң тәҗрибәле һәм талантлы дипломатларның берсен югалтуга бәйле Россия дипломатиясе корпусының һәм бөтен Россия милләтенең кайгысын ихлас уртаклашам", - диелә рәсми кайгынамәдә.

Берничә ел дәвамында Андрей Карлов белән багланышта булып, без аны чын патриот, нечкә тоемлаучы аналитик һәм Россия тышкы сәясәтенең иң мөһим участокларының берсе өчен җавап биргән шәп дипломат буларак белә идек. Инде аның җаны тынычлыкта булсын иде”, - диелә мөфти шәех Равил Гайнетдиннең мөрәҗәгатендә.

#Равил Гайнетдин #Андрей Карлов #кайгынамә

Сәхифәләр

Мөфти Равил Гайнетдин Россия илчесе Карловның үтерелүен кискен тәнкыйтьләде