Мөфти мобиль кушымта аша сорауларга җавап бирә
Halalguide - мөселманнар өчен эшләнгән уникаль кушымта.
Скопировать ссылку
(Казан, 7 июнь, "Татар-информ"). Хәзер теләге булган һәркем Татарстан мөфтие Камил хәзрәт Сәмигуллинга Halalguide кушымтасы аша үзенең сорауларын бирә ала. Бу хакта Татарстан мөселманнары Диния нәзарәте матбугат хезмәте хәбәр итә.
Halalguide - мөселманнар өчен эшләнгән уникаль кушымта. Мөфтигә сорау бирү өчен әлеге кушымтаны телефонга күчерү һәм "Имамга сорау" бүлеген табу сорала, шуннан соң исемлектән Камил хәзрәтне сайларга кирәк.
Islam-Today.ru интернет-газетасы битләрендә Камил хәзрәтнең 50гә якын җавабы басылып чыкты.