Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Лукойл" башлыгы Вахит Аликбәров Казан университетында лекция укыячак
Казанда "Лукойл" президенты Татарстан Президенты Рөстәм Миңнеханов белән очрашырга тиеш.
(Казан, 27 сентябрь, "Татар-информ"). Бүген, 27 сентябрьдә, Казан (Идел буе) федераль университетында “Лукойл “ ГАҖ президенты Вахит Аликбәров студентлар һәм укытучыларга лекция укыячак. Бу хакта югары уку йорты матбугат хезмәте хәбәр итә.
Университетның фәнни эшчәнлек буенча проректоры Данис Нургалиев Вахит Аликбәровның нефть-газ өлкәсендә күренекле эшмәкәр булуын җиткергән. Эшмәкәрдән нефть-газ табу һәм эшкәртү өлкәсендә заманча трендлар турында сөйләвен көтәләр.
Моннан тыш, Нургалиев кунакның компанияне үстерү планнары белән бүлешәчәгенә һәм кызыксындырган сорауларга җавап бирүенә өметләнә.
Казан университетының “Лукойл “ ГАҖга керүче “РИТЭК” компаниясе белән элемтәләре электән бар, ә Вахит Аликбәров визиты әле беренче һәм биредә, димәк, хезмәттәшлекне үстерү буенча тагын бер мөмкинлек туа.
Искәртеп үтик, бүген “Лукойл “ ГАҖ президенты Казанда Татарстан Президенты Рөстәм Миңнеханов белән очрашырга тиеш. Бу хакта Татарстан Хөкүмәте порталында хәбәр ителә.
Кызыклы яңалыкларны күзәтеп бару өчен Телеграм-каналга язылыгыз