Сәясәт 31 март 2023 14:15

Лукашенко: Татар халкының күп кенә вәкилләре Белоруссиядә үз өен тапты

Скопировать ссылку

Төрле милли диаспора вәкилләре Белоруссия территориясендә уңайлы шартларда гомер итә, дип белдерде дәүләт башлыгы Александр Лукашенко. Бүген халыкка һәм парламентка юллама белән мөрәҗәгать итеп, ул биредә күп кенә татарларның да куркынычсыз һәм үзләре өчен кадерле урын табуын билгеләп үтте. Белоруссия лидерының юлламасын Беларусьның Беренче Милли каналы YouTube видеохостингында трансляцияләде.

«Моннан җиде гасыр элек тынычлык эзләп юлга чыккан татар халкының күпсанлы вәкилләре биредә үз өен булдырды, христианнар, православие динен тотучылар арасында сыену урыны тапты», - дип искәртте Лукашенко.

Ул төрле милли мәдәниятләрнең элементлары белорусларның көнкүрешенә табигый рәвештә кушылып китүен билгеләп үтте.

«Без традицион рәвештә ике Раштуа һәм өч Пасханы билгеләп үтәбез. Корбан бәйрәмен хөрмәт итәбез», - дип искәртте Белоруссия Президенты.

Сәхифәләр

Лукашенко: Татар халкының күп кенә вәкилләре Белоруссиядә үз өен тапты