Луганскида республика мөселманнары Диния нәзарәте ярдәме белән Сабантуй узды
Скопировать ссылку
Луганск Халык Республикасы мөселманнары Диния нәзарәте һәм «Луганск Халык Республикасы Азәрбайҗан конгрессы» милли-мәдәни җәмгыяте, «Чишмә татар мәдәни үзәге» активы ярдәме белән 2024 елгы республика Сабантуе узды. Бу хакта Бөтендөнья татар конгрессы матбугат хезмәте хәбәр итә.
Сабантуйда Луганскиның барлык мөселман дини оешмалары, Дагыстан Республикасыннан имам-теологлар, иҗтимагый оешмалар катнашты. Чара югары дәрәҗәдә узды.
Балалар һәм өлкәннәр өчен конкурслар оештырылды, мөнәҗәтләр әйтелде, милли җырлар яңгырады. Бәйрәмгә килгән Луганск мөфтие дин әһелләре белән эш киңәшмәсе үткәреп алды, диелгән хәбәрдә.