Татарстанда балыкчылар утырган көймә әйләнеп капланган, бер кеше үлгән
Скопировать ссылку
Татарстанда ике балыкчы утырган көймә әйләнеп капланган, берсе һәлак булган. Бу хакта Россия Тикшерү комитетының транспортта Үзәк төбәкара тикшерү идарәсе хәбәр итә.
Ведомство мәгълүматлары буенча, фаҗига 7 июль иртәсендә Идел елгасында, Татарстанның Яшел Үзән районы Улитино авылы янында булган. Бер балыкчы ярга йөзеп чыккан, икенчесе батып үлгән.
Әлеге факт буенча тикшерү үткәрелә.