Әлмәттә ягып җылыту сезоны ачылды
Җылылык җибәрү чорында идарәче компанияләр көчәйтелгән режимда эшләячәк.
Скопировать ссылку
(Әлмәт, 24 сентябрь, "Татар-информ", "Әлмәт таңнары"). Әлмәттә салкыннар башлану сәбәпле, күпфатирлы йортларда ягып җылыту сезоны башлануны 23 сентябрьгә күчерделәр. Бу турыда җирле басма хәбәр итә.
Кичә район башкарма комитеты җитәкчесе вазифаларын башкаручы Марат Гыйрфанов бу турыдагы тиешле карарга кул куйды.
Моңа кадәр хәбәр ителгәнчә, Әлмәттә җылыту сезоны 25 сентябрьдә башланырга тиеш иде.
Шәһәр хакимияте әлмәтлеләрдән күршеләрен су басу очраклары булмасын өчен, фатирларда батареяларның торышын тикшерүне сорый.
Җылылык җибәрү чорында идарәче компанияләр көчәйтелгән режимда эшләячәк.