Җәмгыять 3 сентябрь 2017 17:49

Әлмәттә велосипедларны прокатка бирү буенча социаль проект гамәлгә ашырылачак

Велосипедны прокатка бирү бәясе ярты сәгатькә 10 сум тәшкил итәчәк.

Скопировать ссылку

(Казан, 3 сентябрь, «Татар-информ»). Киләсе елда Әлмәттә велоинфраструктураның өченче этабын гамәлгә ашыру кысаларында велосипедларны прокатка бирү буенча социаль проект гамәлгә ашырылачак. Аның бәясе ярты сәгатькә 10 сум тәшкил итәчәк. Бу хакта шәһәр мэры Айрат Хәйруллин журналистлар белән очрашу вакытында хәбәр итте.

«Бүген шәһәрдә 4 меңгә якын кеше көн саен велосипедта йөри. Аларның саны артачак кына, чөнки кешеләр сәламәт һәм актив булырга тели. Шәһәрдә яңа система гамәлгә ашырылачак, бу – «Татнефть» компаниясе генераль директоры Наил Маганов бүләге. Әлеге проект Әлмәттә яшәүче һәркемгә велосипедны прокатка алу мөмкинлеген бирәчәк. Моннан мәктәп укучылары да файдалана ала», – диде шәһәр мэры.

Шуннан соң Айрат Хәйруллин, «Татнефть» компаниясе генераль директоры Наил Маганов белән бергә, яңа велосипедларны күрсәтте.

#Әлмәт #велосипед

Сәхифәләр

Әлмәттә велосипедларны прокатка бирү буенча социаль проект гамәлгә ашырылачак