Әлмәттә велосипедчы малай җиңел машина тәгәрмәче астында калып имгәнгән
10 яшьлек баланы "Татнефть" җәмгыяте медсанчастенең нейрохирургия бүлегенә салганнар.
Скопировать ссылку
(Казан, 13 сентябрь, "Татар-информ"). Әлмәттә велосипедта барган 10 яшьлек укучы малай, "Лада" автомобиле көпчәге астында калып, авыр җәрәхәтләр алган.
Юл-транспорт һәлакәте кичә көндез 8 Март урамында 23нче йорт каршында килеп чыккан. Якынча мәгълүматларга караганда, "Лада" җиңел машинасының 26 яшьлек йөртүчесе юл кырыеннан велосипедта барган 10 яшьлек малайны бәрдергән.
Һәлакәттә бала авыр җәрәхәтләр алган, һәм аны «Татнефть» медсанчастенең нейрохирургия бүлегенә салганнар.
