Әлмәттә торак йорт ишегалдында “Газель” яна башлаган
Янгын сүндерүчеләр тырышлыгы белщн машина шартламый калган.
Скопировать ссылку
(Казан, 14 ноябрь, «Татар-информ»). Әлмәттә янгын сүндерүчеләр торак йорт ишегалдында яна башлаган “Газель” йөк машинасы шартлауга юл куймаган. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Чакыру буенча килгән 65 нче янгын сүндерү-коткару часте хезмәткәрләре янгынны тиз сүндергән. Янгыннан зыян күргән “Газель”нең газда йөрүен исәпкә алсак, янгын сүндерүчеләрнең машина шартлауга юл куймаулары аңлашыла.
Беренчел мәгълүматлар буенча, автомобиль төзек булмаган һәм хәрәкәт иткән вакытта яна башлаган. Һәлакәт аркасында зыян күрүчеләр юк.
