Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттә Татарстанның көньяк-көнчыгышында иң яхшы автомәктәпне сайлыйлар
Ярышта 7 районнан 26 кеше катнаша.
(Әлмәт, 18 февраль, "Татар-информ", "Әлмәт таңнары", Рәдифә Ногаманова). Машина йөртергә өйрәтүче белгечләрнең осталыгы – юл куркынычсызлыгының асылын тәшкил итә. Ничек кенә булмасын, нәкъ менә алар юлда үзеңне ничек тотарга, ни эшләргә һәм ни эшләмәскә икәнен каныңа сеңдереп бирә алса гына юл-транспорт һәлакәтләренә бәйле вәзгыять контрольдә тотыла. Шуны исәпкә алып Ватанны саклаучылар көне уңаеннан Әлмәт ДОСААФ автомәктәбендә ярышлар уздырыла, дип яза "Әлмәт таңнары газетасы.
Әйтергә кирәк, бу традицион очрашу, шуңа күрә ел саен билгеләнгән бер сценарий буенча бара. Бу, әлбәттә, юлда йөрү кагыйдәләрен белүгә корылган имтихан тоту, пневматик коралдан ату (анысы патриотик тәрбия юнәлешендә эшләүчеләрнең төп туры санала), шулай ук җиңел автомобиль һәм йөк машиналарын фигуралы йөртүне һәр катнашучы лаеклы үтәргә тиеш.
Күп еллар егет-кызларны, апа-абыйларны транспорт белән идарә итүгә өйрәтүче тәҗрибәле белгечләр арасында яшьләр дә бар. 18 яшьлек Тимур Салихов – шуларның берсе. Ул биредә Әлмәт хәрби комиссариатын тәкъдим итә.
– Мәктәптә автомобиль йөртү осталыгына, шул исәптән, хәрби транспорт белән идарә итәргә дә өйрәнү өчен мине комиссариаттан юлладылар. Хезмәткә чакырылганчы һөнәрең булса әйбәт бит, бик рәхәтләнеп кулландым бу тәкъдимнән, – ди Тимур.
Әлмәт ДОСААФ автомәктәбе директоры урынбасары Фәрит Әхмәтов сүзләренчә, егет өметле күренә, барлык биремнәрне дә ул яхшы үтәгән.
– Гомумән алганда, катнашучларның әзерлеге начар түгел. Иң мөһиме, биредә барысы да гадел бара, – ди ул.
Ярышлар барышында кыр кухнясы да эшләде. Әлмәт эчке эшләр идарәсеннән вакытлыча куллануга алып торылган мич белән әлмәтле Илгизәр ага Галиев оста «идарә итә».
– Иң мөһиме мичкә утынны вакытында өстәп торырга кирәк. Бу безнең эштә дә иң актуаль нәрсә – белемне ныгытмасаң, хәтерне күнектермәсәң кемгә дә булса акыл өйрәтәм димә инде син, – ди йөк машиналары белән идарә итәргә өйрәтүче мастер.
Ярышта 7 районнан 26 кеше катнаша, диелә район хәбәрендә.
Кызыклы яңалыкларны күзәтеп бару өчен Телеграм-каналга язылыгыз