Җәмгыять 30 июль 2017 04:00

Әлмәттә төзүчеләр арасында бәйге башланды

Төзүчеләр бәйрәме алдыннан ел саен әлеге һөнәр ияләре арасында бәйгеләр оештырыла.

Скопировать ссылку

(Әлмәт, 30 июль, "Татар-информ", "Әлмәт таңнары"). Төзүчеләрнең абруен күтәрү, осталыкларын камилләштерү, шул ук вакытта тәҗрибә уртаклашу максатыннан үткәрелүче бәйгегә быел бүген старт бирелде. Штукатурчылар осталыкларын “Светоч” гимназиясе төзелешендә күрсәтте, дип яза "Әлмәт таңнары" газетасы.

Кызганыч, бәйгедә катнашучылар саны елдан-ел кими бара. Бу юлы бары тик ике командадан торган дүрт кеше көч сынашты. “СтроСервис” җәмгыятеннән Гөлфия Насыйрова белән Айгөл Бәхтигәрәева, “Арслан”нан Абдугани Әскәров белән Шоирҗан Омонов килгән иде. Көч сынашу ике өлештән торды. Теория өлешендә эш технологиясе хакындагы сорауларга җавап бирергә кирәк иде. Ә практик өлештә штукатурчылар алдына 7,7 кв. метр мәйданга измә сылау бурычы куелды.

Җиңүчеләр Төзүчеләр көне уңаеннан уздырылачак тантанада бүләкләнәчәк.

#Әлмәт #төзүчеләр

Сәхифәләр

Әлмәттә төзүчеләр арасында бәйге башланды