Әлмәттә сигез кеше мошенникларга 500 мең сумнан артык акча күчергән
Зыян күрүчеләр мошенниклар киңәше буенча хәтта үз исемнәренә күп еллар түләнергә тиешле кредитлар да рәсмиләштерәләр.
(Әлмәт, 12 ноябрь, «Татар-информ», «Әлмәт таңнары»). Әлмәттә соңгы көннәрдә телефон аша алдау очраклары ешайды. Әлмәттә сигез кеше мошенникларга 500 мең сумнан артык акча күчергән. Бу турыда район басмасы хәбәр итә.
Кайчагында зыян күрүчеләр үз акчаларыннан колак кагу белән генә чикләнмичә, мошенниклар киңәше буенча хәтта үз исемнәренә күп еллар түләнергә тиешле кредитлар да рәсмиләштерәләр.
Полиция хезмәткәрләренә ир мөрәҗәгать иткән 59 яшьлек ир аңа «банк куркынычсызлыгы хезмәте вәкилләре» шалтыратуы килүе турында сөйли. Алар ир-атка аның банк картасыннан санкцияләнмәгән акча күчерелүе турында хәбәр итә. Акчаны саклап калу өчен башка резерв хисабына күчерергә киңәш ителә. Мошенникларның барлык киңәшләрен дә үтәгән ир 13000 сумнан артык акчасыннан колак каккан.
58 яшьлек зыян күрүчене мошенниклар шул ук ысул белән 114000 сум акчасыннан мәхрүм иткән. Аңа «банк хезмәткәре» банк исәп-хисап счеты белән операция үткәрү турында әйтеп, картаның реквизитларын һәм кодларын, янәсе, робот-автоинформаторга хәбәр итәргә тәкъдим итә. Шуннан соң аның картасындагы 227 000 сум акча юк була.
Хәзерге вакытта барлык гаризалар буенча тикшерү үткәрелә, җинаять эше кузгату мәсьәләсе хәл ителә.