news_header_top
16+
news_header_bot
news_top

Әлмәттә һәр эшсез кешегә алты эш урыны туры килә

Җиде ай эчендә төрле мәсьәләләр буенча ведомствога 4819 кеше мөрәҗәгать иткән.

(Әлмәт, 8 август, "Татар-информ", "Әлмәт таңнары"). Агымдагы елның 1 августына Әлмәт мәшгульлек үзәгендә исәптә 819 кеше тора. Эшсезлек коэффициенты 0,16 кешене тәшкил итә. Ягъни бер эшсезгә алты тәкъдим туры килә. Бу турыда җирле басма хәбәр итә.

Бу исә узган елгы күрсәткечләр белән чагыштырганда 35 кешегә күбрәк. Эшсезлекнең гомуми дәрәҗәсе эшче көчләр санынының 0,74 процентын тәшкил итә. Эш бирүчеләр тарафыннан барлыгы 5120 эш урыны тәкъдим ителгән. Узган елны 1 августка 2717 эш урыны булган.

Җиде ай эчендә төрле мәсьәләләр буенча ведомствога 4819 кеше мөрәҗәгать иткән. 1961 кешене исәпкә алганнар һәм 610 кешегә эш табарга булышканнар. Хезмәт базарында сәламәтлек саклау, сәүдә һәм мәгариф өлкәләре хезмәткәрләренә ихтыяҗ аеруча зур.

news_right_1
news_right_2
news_bot