Әлмәттә карантин чорында шәһәр халкына ярдәм итү өчен инсталляция ясаганнар
2нче АПТС бинасында һәр кич саен «Өеңнән яхшы урын юк / Нет места лучше дома / There’s no place like home» язулары җемелдәп янып тора.
(Казан, 2 май, «Татар-информ»). Әлмәттә өч телдә лазерлы графика инсталляциясе ясадылар. 2нче АПТС бинасында һәр кич саен «Өеңнән яхшы урын юк / Нет места лучше дома / There’s no place like home» язулары җемелдәп балкып тора. Бу хакта Инстаграмда «Әлмәт яңалыклары» акканутында хәбәр ителә.
Видеороликка шәрехләмәдә бу гыйбарәнең татар халык әйтеме булуы, ул шәһәр халкы өчен хәзерге вакытта иң куркынычсыз урын — нәкъ менә өй икәнлеген искәртергә тиешлеге әйтелә.
«Имин урында калыгыз һәм иҗат итүдән туктамагыз. Һәм исегездә тотыгыз, хәзер өйдән дә яхшырак урын юк» — дип өнди Әлмәт халкын инициатива авторлары.
Инсталляция — «Алтын алма турында әкиятләр» проектының идеясе. Ул «Татнефть» компаниясе ярдәмендә гамәлгә ашырыла һәм төрле илләрдән чакырылган экспертлар һәм рәссамнар төркеме катнашында Стрит-арт тикшерү институты тарафыннан гамәлгә ашырыла.