Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттә капиталь ремонттан соң Рәис Нәгыймов исемендәге музыка мәктәбе ачылды
Төзүчеләргә һәм музыка мәктәбе фидакарьләренә бүләкләр дә тапшырылды.
(Әлмәт, 14 декабрь, "Татар-информ", "Әлмәт таңнары"). Кичә Әлмәттә капиталь ремонттан соң Рәис Нәгыймов исемендәге музыка мәктәбе ачылды, дип яза җирле басма.
Нефтьчеләр урамындагы әлеге бинага мәктәп 1985 елда ук күчкән булган. Шуннан бирле ул капиталь ремонт күрмәгән. Өч катлы бинаны хәзер танымаслык та түгел. Республика бюджетыннан тыш федераль программа буенча да ярдәм булган. “Татнефть” компаниясе бинаның фундаментын ныгытуга, төзекләндерүгә, территорияне яктыртуга, кабинетларны оформить итүгә һәм җиһазлар, стендлар алуга акча бүлеп биргән. Музыка мәктәбен тәмамлаучыларның 300е музыкант һөнәрен сайлаган.
Балаларның, әти-әниләрнең һәм 1 нче музыка мәктәбе коллективының шатлыгы белән уртаклашырга район башлыгы Айрат Хәйруллин, “Әлмәтнефть” нефть-газ чыгару идарәсе начальнигы Ренат Нугайбеков һәм башкалар килгән иде. Алар бинаны карап чыктылар. Төзүчеләргә һәм музыка мәктәбе фидакарьләренә бүләкләр дә тапшырылды.
Кызыклы яңалыкларны күзәтеп бару өчен Телеграм-каналга язылыгыз