Әлмәттә ир әрсез кунакны үтергән
Фатир хуҗасы кулга алынган. "Үтерү" маддәсе буенча җинаять эше кузгатылган.
Скопировать ссылку
(Әлмәт, 5 декабрь, "Татар-информ", "Әлмәт таңнары"). Әлмәттә ир әрсез кунакны үтергән. Бу хәл Ленин урамындагы 53 нче йортта 3 декабрьдә төн уртасы узгач була, дип яза җирле басма.
Бергә эчеп утырган урта яшьләрдәге ике ир арасында низаг чыга. Хуҗа кунагын кайтарып җибәрергә маташа. Әмма тегесе киреләнә. Шулвакыт хуҗа кулына пычак ала. Кунакны җәрәхәтләгәч, ул табибларны чакырта. Күкрәгенә пычак белән кадаган ирне ЦРБ хастаханәсенә алып китәләр. Ул операция өстәлендә иртәнге алтыларда җан бирә.
Фатир хуҗасы кулга алынган. "Үтерү" маддәсе буенча җинаять эше кузгатылган.