Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әлмәттә инвесторлар суганны гектарыннан 80 мең тонна алырга ниятли
Быел җиләкне 2 тапкыр җыйдылар, хәтта карлыган, кура җиләге үстерүгә дә керештеләр, дип яза җирле газета.
(Әлмәт, 9 сентябрь, “Татар-информ”, “Әлмәт таңнары”). Соңгы вакытта Әлмәт районында яшелчә, җиләк-җимеш үстерергә теләүче инвесторлар күренә башлады, дип игътибарны юнәлтә “Әлмәт таңнары” газетасы.
Авыл хуҗалыгын бу рәвешле үстерү мөмкинлегенә башта күпләр шикләнеп карады. Җиләк үстерәчәкләрен ишеткәч тә, ай-һай, андый бизнес уңышлы килеп чыкмас, диючеләр булды. Аларның фаразлары акланмады. Инвесторлар эшчәнлектән канәгать: быел җиләкне 2 тапкыр җыйдылар, хәтта карлыган, кура җиләге үстерүгә дә керештеләр.
Киләсе елга әлмәтлеләр җиләк кенә түгел, кырга суган да җыярга чыгачак. Бүген Көньяк Корея уңганнары 72 гектар мәйданда суган орлыгы чәчүне тәмамлаган. Алданрак чәчелгәннәре тишелә дә башлаган. Уңыш яхшы булырга охшаган. Гектарыннан 80 тонна суган алу планлаштырыла. Димәк, халык үзебезнең җирлектә үстерелгән һәм саклауга чыдам, сыйфатлы суган куллана башлаячак, дип яза газета.
Кызыклы яңалыкларны күзәтеп бару өчен Телеграм-каналга язылыгыз