Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттә инновацион күргәзмә ачылды
Россиянең тугыз шшһәреннән килгән оешмалар үз экспозицияләрен тәкъдим иттеләр
(Казан, 28 июль, “Татар-информ”, Роза Исмәгыйлова). Әлмәтнең “Нефтьче” мәдәният йортында “Россиянең инновацион үсешен билгеләүче стратегик фактор буларак машина төзелеше, авиация һәм ягулык-энергетик комплексларының технологик интеграциясе” исемле күргәзмә-конференциянең тантаналы төстә ачылышы булды. Ачу тантанасында Әлмәт хакимияте башлыгы Ришат Әбүбәкеров катнашты, дип хәбәр ителә ТР муниципаль районнары порталында.
Әлмәт башлыгы Ришат Әбүбәкеровка, “Авиаҗайланма төзелеше” милли ассоциациясе президенты Анатолий Захаревичка, ТР сәүдә һәм сәнәгать министрының беренче урынбасары Владимир Соловьевка, “Татнефть” ААҖнең баш инженеры вазыйфаларын башкаручы Владимир Фадеевка, Әлмәт башкарма комитеты җитәкчесе урынбасары Рөстәм Нуриевкә кызыл лентаны кисү кебек почет хокукы бирелде. Кунаклар Россиянең тугыз шәһәреннән килгән оешмалар тарафыннан куелган экспозицияләрен залына сәфәр кылдылар. Монда ук фәнни-техник конференция дә үтте. Аның барышында “Татнефть” һәм “Авиаҗайланма төзелеше” Концерны” ААҖләренең агымдагы һәм киләчәктәге хезмәттәшлек юнәлешләре хакында фикер алыштылар.
Кызыклы яңалыкларны күзәтеп бару өчен Телеграм-каналга язылыгыз