Әлмәттә ике машина бәрелешкәч, өч кеше зыян күргән
Аларның өчесен дә хастаханәгә озатканнар.
Скопировать ссылку
(Казан, 20 ноябрь, «Татар-информ», Полина Шевчук). Кичә төн уртасында Әлмәт шәһәренең Совет урамында юл һәлакәте булган.
Авариянең шаһитлары «Татар-информ» агентлыгына белдергәнчә, биредә «Лада» һәм Hyundai автомобильләре кара-каршы бәрелешкән. Шуннан соң «Лада» юл читенә төшеп киткән, ә Hyundai юлга аркылы баскан.
«Авария булган урыннан зыян күргән өч кешене алып киттеләр. Чит ил автомобиле белән хатын-кыз идарә иткән — ул кулы авыртуга зарланды. Моннан тыш, „Лада“ның йөртүчесе һәм пассажиры да төрле тән җәрәхәтләре алган. Барысын да хастаханәгә озаттылар», — дип искәртте шаһитлар.