Әлмәттә ике балалар бакчасы ачылды
Аларның һәрберсе 220 шәр урынга исәпләнгән.
(Әлмәт, 2 ноябрь, "Татар-информ", "Әлмәт таңнары"). Әлмәттә тантаналы рәвештә Тынычлык урамында урнашкан яңа "Умка" балалар бакчасы ачылды. Мәртәбәле кунаклар шулай ук "Жар-птица" бакчасында да булды. Бу турыда район басмасы хәбәр итә.
Чарада Татарстан яшьләр эшләре министры Дамир Фәттахов, "Татарстан Республикасы муниципаль берәмлекләре Советы" ассоциациясе рәисе Әгъзам Гобәйдуллин, алтынчы чакырылыш Дәүләт Советы депутаты Марат Галиев һәм район башлыгы Тимур Нагуманов катнашты.
Әлеге мәктәпкәчә белем бирү оешмалары "Демография" милли проекты ярдәмендә төзелде. Аларның һәрберсе 220 шәр урынга исәпләнгән.
Биредә шулай ук яшь ярымнан алып өч яшькәчә балалар өчен ясле төркемнәре бар.