Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттә иң сәләтле эшче яшьләр бәйрәм итте
IV Республика иҗат фестиваленең төбәк этабы концерты булып, Казанга йомгаклау концертында катнашуга чакыру алды.
(Әлмәт, 18 октябрь, “Татар-информ”, “Әлмәт таңнары”). Кичә “Наше время-Безнең заман” эшләүче яшьләрнең IV Республика иҗат фестиваленең төбәк этабы концерты узды, дип хәбәр итте бүген “Әлмәт таңнары” газетасы.
Инде дүртенче ел рәттән республиканың иң талантлы яшь эшчеләрен (18дән 35 яшькәчә) бер сәхнәгә җыеп, зур бәйрәм оештыру матур бер гадәткә әверелде. Башта яшьләр төбәкләрдә чыгыш ясый. Сайлап алу турлары Әлмәт, Чаллы, Түбән Кама, Казан кебек шәһәрләрдә уза. Аннан иң-иң дип табылган коллективларны Казанда булачак гала-концертка чакыралар.
Былтыр сайлап алу турында Әлмәт коллективлары үзләрен бары яхшы яктан гына күрсәткән иде, быелгысына тагын да ныклы әзерлек белән килгәннәр. Гадәттәгечә, “Әлмәт торба заводы” яшьләренә афәриннән башка сүз юк. “Татнефть” ААҖ коллективы да ел саен үзгә һәм көчле чыгышлары белән сокландыра.
Командалар “Вокал”, “Ансамбль”, “Хореография”, “Дан минуты” номинацияләрендә чыгыш ясады. Әлмәттән шактый оешма яшьләре Казанга гала-концертка чакыру алды.
Кызыклы яңалыкларны күзәтеп бару өчен Телеграм-каналга язылыгыз