Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттә Халыкара инвалидлар көне уңаеннан бәйрәм тантанасы уздырылды
Һәр елдагыча, быел да иганәчеләр килгән иде. Алар да ярдәмнәрен күрсәтте.
(Әлмәт, 4 декабрь, "Татар-информ", "Әлмәт таңнары"). Әлмәттә Халыкара инвалидлар көне уңаеннан бәйрәм тантанасы уздырылды, дип яза җирле басма.
Мәгълүм булганча, Берләшкән Милләтләр ассамблеясы 1992 елда 3 декабрьне Халыкара инвалидлар көне дип игълан итте. Әлеге бәйрәмне физик мөмкинлекләре чикләнгәннәр көтеп ала. Бу алар өчен аралашу, күңел ачу, үзләрен күрсәтү чарасы да. Иртәнге якта Яшьләр үзәгендә алар өчен спорт ярышлары җәелдерелде. Инвалидлар шашка, шахмат, гер күтәрү һәм башка төрләрдә көч сынашты. Җиңүчеләрне шушында ук бүләкләделәр. ДЦП диагнозлы Ренат Сәфәрхановны да хыялы тормышка ашкан – фойеда аның картиналарыннан күргәзмә төзелгән иде.
Тантаналы өлештә инвалидларны район башкарма комитеты җитәкчесенең социаль мәсьәләләр буенча урынбасары вазифаларын башкаручы Светлана Лаптева тәбрик итте. Билгеләп үтелгәнчә, Әлмәттә 11272 инвалид яши. Шәһәрдә инвалидларның 5 иҗтимагый оешмасы эшли. Район җитәкчелеге төрле чаралар үткәрүдә ярдәм кулы суза. Светлана Лаптева инвалидларны социаль яклауда актив катнашканнарга район башкарма комитетының һәм район Советының Мактау грамоталарын тапшырды. Шулай ук республика, Россия һәм Халыкара бәйгеләрдә катнашучылар да бүләкләнде.
Һәр елдагыча, быел да иганәчеләр килгән иде. Алар да ярдәмнәрен күрсәтте. Ә үзешчәннәр иң матур чыгышлары белән куандырды.
Кызыклы яңалыкларны күзәтеп бару өчен Телеграм-каналга язылыгыз