Әлмәттәге көчле давылның үзәгеннән төшерелгән видео барлыкка килде
Видеоны шторм вакытында бөкегә эләккән машина кабинасыннан төшергәннәр.
Скопировать ссылку
(Казан, 25 июнь, “Татар-информ”). Әлмәттәге көчле давыл вакытында төшерелгән видео барлыкка килде. Фаҗига урынында төшерелгән кадрларны социаль челтәр кулланучылары Интернетка урнаштырган.
Видеоны давыл вакытында бөкегә эләккән йөк машинасы кабинасында калган ир-атлар төшергән. Кадрларда күренгәнчә, алар ягына көчле давыл килә – җил юлга һәм машина өсләренә агачларны аудара.
Ир-атларга зыян килмәгән. Бер агач аларның машинасының алгы тәрәзәсенә төшкән.
- Әлмәттә көчле җил агачларны аударган, йорт түбәләрен куптарган һәм берничә машинага зыян салган.