Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттә Физкультурачылар көнен билгеләп үттеләр
"Татнефть" ААҖ призына конкур буенча ат ярышлары - программаның төп вакыйгасы булды.
(Әлмәт, 13 август, "Татар-информ", "Әлмәт таңнары"). Әлмәттә Физкультурачылар көнен "Мин спортны сайлыйм" дигән зур спорт фестивале белән билгеләп үттеләр. Бу турыда җирле басма хәбәр итә.
Универсаль мәйданчыкта авыр атлетика буенча ярышлар, "Иң тиз" җиңел атлетика эстафетасы, "Районның иң спорт сөюче гаиләсе" эстафетасы, гандбол буенча турнир, шахмат буенча ярышлар һәм башка бик күп спорт ярышлары узды. Теләгән һәр кем бу көнне үзләрен өстәл теннисы һәм бадминтон буенча сынап карый алдылар.
"Татнефть" ААҖ призына конкур буенча ат ярышлары - программаның төп вакыйгасы булды. Тамашачылар өчен шулай ук концерт программасы, төрле активлык мәйданчыклары, бүләкләр уйнату һәм Квас фестивале әзерләнгән иде.
Хәзерге вакытта Әлмәттә 54 спорт төре үстерелә. Биредә яшьләр өчен генә түгел, өлкән яшьтәге кешеләр өчен дә шартлар тудырылган. Иҗтимагый киңлекләр, шул исәптән һөнәри һәм массакүләм спортны үстерү өчен ишегалды территорияләрендә дә шартлар булдырылган. "Татнефть" ААҖ дә спорт һәм спорт инфраструктурасын үстерүгә зур игътибар бирә.
Мөхтәрәм кунаклар, Татарстан Дәүләт Советы депутаты Марат Галиев һәм Татарстан спорт министры урынбасары Айрат Әхмәров тантаналы шартларда предприятие җитәкчеләрен һәм спортны үстерүгә, төрле дәрәҗәдәге ярышларны оештыруда ярдәм күрсәтүчеләрне билгеләп үттеләр.
Кызыклы яңалыкларны күзәтеп бару өчен Телеграм-каналга язылыгыз