Әлмәттә электросамокатта йөрүче реанимациягә эләккән
Җиңел машина белән электросамокат бәрелешкән.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Әлмәт, 20 август ,"Татар-информ", "Әлмәт таңнары"). 18 августта 20.00 сәгать тирәсендә Әлмәт-Нолинка юлында юл-транспорт һәлакәте булган. Электросамокатта йөрүче реанимациягә эләккән. Бу турыда район басмасы хәбәр итә.
14нче модельле "ВАЗ" машинасы белән идарә иткән 2001 елгы шофер бистә юнәлешендә хәрәкәт иткәндә куркынычсыз тизлекне сакламый һәм яктырткыч җайланмалары кабынган электросамокат белән бәрелешкән.
Автоинспекторлар фаразлавы буенча, ул юлда транспорт чарасы торышы кагыйдәләрен бозган һәм каршы хәрәкәт полосасы буйлап, Нолинка ягыннан Әлмәт юнәлешендә хәрәкәт иткән була.
Юл-транспорт һәлакәте нәтиҗәсендә электр самокаты йөртүчесе медсанчастьнең реанимация бүлегенә озатылган.