Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әлмәттә чит ил гражданнарының саны арткан
Быел андыйлар саны 7145 кешегә җиткән
(Казан, 11 ноябрь, “Татар-информ”). 2013 елда Әлмәттә миграция учетына куелучы чит ил гражданнары 18 процентка арткан һәм 7145 кешене тәшкил иткән. Әлеге гражданнарының күпчелеген Үзбәкстаннан (2429) һәм Тажикстаннан (1626) килгән кешеләр тәшкил итә. Шулай ук ераграк илләрдән килүчеләр дә бар, мәсәлән, Бөекбританиядән - 104, Германиядән - 63, Төркиядән - 51, АКШтан - 19, Италиядән – 10 гражданин Әлмәттә теркәлү узган.
Илгә килүнең төп сәбәбе дип алар эшкә урнашуны күрсәтә. Шул ук вакытта, бары тик 501 кеше генә юридик яктан теге яки бу предприятиедә эшләүче буларак рәсмиләштерелгән.
Агымдагы елның 9 аенда хокук сакчылары тарафыннан 249 тикшерү уздырылган, миграцион режимны бозу очраклары буенча 2051 беркетмә төзелгән һәм моның нәтиҗәсе буларак 4 миллион сумнан артыграк штраф сугылган. Законны бозып, чит ил гражданнарын эшкә алган эш бирүчеләргә карата 86 беркетмә төзелгән, дип хәбәр итә “Әлмәт таңнары” газетасы.
Кызыклы яңалыкларны күзәтеп бару өчен Телеграм-каналга язылыгыз