Җәмгыять 29 июль 2017 14:08

Әлмәттә буяучылар арасында һөнәри осталык бәйгесе үткән

Һөнәри бәйгене "Алсу” микрорайонындагы төзелеп килә торган биш катлы йортта уздырганнар.

Скопировать ссылку

(Казан, 29 июль, «Татар-информ»). Кичә, 28 июльдә, Әлмәттә, Төзүчеләр көнен бәйрәм итүгә әзерлек кысаларында, буяучылар арасында һөнәри осталык бәйгесе узган. Обой ябыштыру буенча өч команда – “Арслан” җәмгыятеннән тәкъдим ителгән ике бригада һәм “Заманча төзелеш системасы” хезмәткәрләре ярышкан. Бу хакта «Знамя труда» газетасы хәбәр итә.

Һөнәри бәйге “Алсу” микрорайонындагы төзелеп килә торган биш катлы йортта узган. Ике хатын-кыз буяучыдан торган һәр бригадага тиз һәм сыйфатлы итеп бер стенага обой ябыштырырга кирәк булган. Шулай ук теория өлеше – сорауларга җавап бирү дә таләп ителгән.

Беренче булып эшне “Арслан” җәмгыяте бригадасы тәмамлаган. Алар 7 минут эчендә биремне башкарып чыккан. “Арслан”ның икенче бригада кызлары эшне 11 минутта төгәлләгән. “Заманча төзелеш системасы” оешмасы буяучылары биремне 23 минутта башкарган.

Теориядән сорауларга җавап биргәч бәйгегә йомгак ясалган. Беренче урында – “Арслан” җәмгыятеннән Фәридә Мейрбекова һәм Любовь Таланова. Икенче урынга шул ук предприятиедән Ирина Сергеева һәм Алла Кашапова чыккан. Өченче урынга “Заманча төзелеш системасы” оешмасыннан Гөлүсә Низамиева һәм Гөлүзә Шведова лаек булган.

#Әлмәт #буяучы

Сәхифәләр

Әлмәттә буяучылар арасында һөнәри осталык бәйгесе үткән