Әлмәттә бер юл-транспорт һәлакәтендә дүрт кеше зыян күргән
Кичә Ленин урамында өч «Лада» һәм «Ниссан» автомобильләре бәрелешкән.
Скопировать ссылку
(Казан, 26 август, «Татар-информ»). Әлмәттә күмәк юл-транспорт һәлакәтендә дүрт кеше зыян күргән. Бу турыда һәлакәт шаһитлары хәбәр итте.
Кичә 17.00 сәгать тирәсендә Ленин урамында дүрт җиңел машина — унынчы модельле «Лада», «Лада Гранта», «Лада Ларгус» һәм «Ниссан Тиида» бәрелешкән.
Шаһитлар сүзләренчә, өч ир-ат һәм бер кыз зыян күргән. Ике кешенең сөяге сынган урыннары бар.