Әлмәттә бадминтон буенча Бөтенроссия ярышлары уза
9 ноябрьдә көрәшкә өлкәннәр кушыла. Алар ялгыз, парлы һәм катнаш разрядларда уйнаячак.
(Әлмәт, 8 ноябрь, "Татар-информ", "Әлмәт таңнары"). 7-11 ноябрь көннәрендә Әлмәттә "Әлмәт Open" Бөтенроссия бадминтон турниры уза. Ярышлар «Tennis City» спорт үзәгендә үтәчәк. Бу турыда җирле басма яза.
7 ноябрьдә юниорлар турниры башланды. Ул 13, 15, 17 һәм 19 яшькә кадәрге яшүсмерләр төркемнәре арасында биш разрядта узды.
9 ноябрьдә көрәшкә өлкәннәр кушыла. Алар ялгыз, парлы һәм катнаш разрядларда уйнаячак.
Биредә Мәскәү, Новосибирск, Саратов өлкәләреннән, Казан, Яр Чаллы, Саба, Түбән Кама, Кукмара, Аксубай районнарыннан һәм Башкортстанан килгән бадминтончылар катнашачак.