Әлмәтнең 16 нчы мәктәбендә робот барлыкка киләчәк
Татарстан мәктәпләрендә, шул исәптән Әлмәттә дә роботлар барлыкка киләчәк
(Казан, 14 октябрь, “Татар-информ”). Республикабыз мәктәпләрендә яңа фән - “робототехника” кертеләчәк. Агымдагы уку елының икенче чирегендә 10 һәм 11 нче сыйныф укучылары шушы фәнне өйрәнә башлаячак.
Укытучылар көзге каникулларда махсус курсларда укытылачак. Әлегә бу фән эксперимент тәртибендә генә укытылачак. Исемлектә Әлмәтнең 16 нчы мәктәбе дә бар, дип хәбәр итә “Әлмәт таңнары” басмасы.