news_header_top
16+
news_header_bot
news_top

Әлмәтлеләр XIX Ачык республика фестиваленең зона этабында җиңде

Максим Апраксин җитәкчелегендәге "Фристайл" заманча бию студиясе беренче урынга ия булды.

(Әлмәт, 2 март, "Татар-информ", "Әлмәт таңнары"). 27 февраль көнне Бөгелмә шәһәрендә “Созвездие-Йолдызлык” эстрада сәнгатенең XIX Ачык республика телевизион яшьләр фестиваленең зона этабы узды. Әлмәтлеләр бу бәйгедән зур җиңү белән кайтты. Бу турыда җирле басма хәбәр итә.

"Хореография”- урта төркем номинациясендә 1 урынга Татарстан Республикасы Хөкүмәте премиясе лауреаты Максим Апраксин җитәкчелегендәге "Фристайл" заманча бию студиясе ия булды.

Бию коллективы “Фристайл” студиясе үсешенә зур ярдәм күрсәткәне өчен шәһәр башлыгы Айрат Ринат улы Хәйруллинга ихлас рәхмәтен белдерә. Алда аларны апрель аенда Казан шәһәрендә узачак суперфинал көтә. 

news_right_1
news_right_2
news_bot