Әлмәтле яңа төр велосипед уйлап тапкан
Илнур Динмөхәммәтов «Альметьевск рулит» акциясенә кушылган.
Скопировать ссылку
(Казан, 25 сентябрь, "Татар-информ"). Әлмәттә яшәүче Илнур Динмөхәмәтов яңа төр велосипед уйлап тапкан. Бу хакта "Әлмәт таңнары" яза.
Ул һөнәре буенча эретеп ябыштыручы. Тәгәрмәч әйләндерергә яратучы улы нинди дә булса башкаларныкына охшамаган уенчык сорагач, ул өч тәгәрмәчле велосипед ясарга уйлый. Моның өчен ул иске велосипедны чак кына үзгәртеп куя. Ә инде әлеге җайланмада бер бала йөргәндә икенчесе көтеп тормасын өчен, тора-бара ул аны өч тәгәрмәчле тарантас итә. Шул сәбәпле Илнур «Альметьевск рулит» акциясенә кушыла.
Бүген әлеге велосипедта Илнурның балалары гына түгел, ишегалдында яшәүче башка әлмәтлеләр дә йөри.