Әлмәтле Чистайда дустының башына җиткән
Ул бергә эчеп утырган җирдән ике иптәшенә пычак белән ташланган
(Казан, 4 сентябрь, “Татар-информ”). Моңарчы берничә тапкыр хөкем ителгән 36 яшьлек әлмәтле күптән түгел Чистайда, бергә эчеп утырган җирдән, ике иптәшенә пычак белән ташланган.
Нәтиҗәдә, берсе шунда ук үлә, икенчесен авыр хәлдә хастаханәгә алып китәләр. Җинаять кылучыны кайнар эздән тоткарлыйлар: ул шәһәрдән чыгып китәргә җыенган була. Җинаять эше кузгатылган, тикшерү бара, дип яза “Әлмәт таңнары” басмасы.