Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әлмәт укучысы түрәләргә социаль челтәрләрдә булу стратегиясе турында сөйләде
Регина Сәйфуллина Татарстан Президенты Рөстәм Миңнеханов чакыруы буенча чыгыш ясады.
(Казан, 22 декабрь, "Татар-информ"). Бүген Татарстан Республикасы Хөкүмәте Йортында узган киңәшмәдә Әлмәттән килгән мәктәп укучысы Регина Сәйфуллина түрәләргә социаль челтәрләрдә булу стратегиясен ничек эшләргә һәм гамәлгә ашырырга кирәклеге турында сөйләде. Бу турыда республика җитәкчесе матбугат хезмәте хәбәр итте.
Регина Сәйфуллина Татарстан Республикасы Президенты Рөстәм Миңнеханов чакыруы буенча чыгыш ясады. Президенты исә аның эшчәнлеге белән «Эшкуарлар фабрикасы» проекты кысаларында танышкан булган.
Регина Сәйфуллина 2019 елда үзмәшгуль сыйфатында теркәлергә һәм проектлар санын арттырырга, шулай ук укыту юнәлеше белән дә шөгыльләнергә ниятли. Ул дәүләт хезмәткәрләренә аккаунтларын алга сөрүдә һәм җәмгыятьне борчуган мәсьәләләрне хәл итүдә үз хезмәтләрен тәкъдим итте. Аның сүзләренчә, бу халык белән араны якынайтачак, хакимияткә ышанычны арттырачак.
Уңай мисал итеп ул Удмуртия Республикасы Башлыгы Александр Бречалов аккаунтын китерде. Моннан тыш, Регина Сәйфуллина Рөстәм Миңнехановның чыгышларының берсендәге сүзләрен искә төшерде: «Социаль челтәрләрдә була белергә кирәк».
Татарстан Президенты социаль челтәрләрдә булу буенча консультацияләр алу өчен Genius Mind коммуникация агентлыгына мөрәҗәгать итәргә тәкъдим итте. Агентлык компанияләрне алга җибәрү стратегиясен эшли, социаль челтәрләрдә профильләр дизайнын бизи, аккаунтлар алып бара, фикерләр лидерлары, блогерлар белән очраша, таргетлаштырылган рекламаларны җайга сала.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Алексей Песошин да катнашты.
Кызыклы яңалыкларны күзәтеп бару өчен Телеграм-каналга язылыгыз