Әлмәт театры ике спектаклен «Алтын битлек» экспертларына күрсәтә
«Көзге сере» һәм «Микулай» — театрның үткән сезон премьералары.
(Казан, 16 сентябрь, «Татар-информ», Рузилә Мөхәммәтова). Әлмәт театры ике спектаклен «Алтын битлек» экспертларына күрсәтә. Бу хакта театрның матбугат үзәге хәбәр итте.
Әлмәт театрының ике спектакле — «Көзге сер» һәм «Микулай» тамашалары «Алтын битлек» экспертларына тәкъдим ителгән. Кичә театр белгечләре режиссер Антон Федоров «Королевство кривых зеркал» фильмы мотивлары буенча куйган «Көзге сер» спектаклен караган, бүген Мансур Гыйләҗев пьесасы буенча куелган «Микулай» моноспектаклен күрәчәкләр.
Әлмәт театрының үз сәхнәсе ремонтта булу сәбәпле спектакльләр Бөгелмә рус дәүләт театры сәхнәсендә күрсәтелә. Роспотребнадзор таләпләре буенча спектакльне ярты зал тамашачы карый.
«Көзге сере» һәм «Микулай» — театрның үткән сезон премьералары.