Мәдәният 26 октябрь 2017 15:02

Әлмәт театры артистлары флешмобка кушылды – театр алдында “Туган тел”не җырлады

Театр бу сезонда 50 мең тамашачыга татар телендә спектакль күрсәтә.

Скопировать ссылку

(Казан, 26 октябрь, «Татар-информ», Рузилә Мөхәммәтова). Әлмәт артистлары бүген театр алдына чыгып “Туган тел” җырын җырлады һәм татар теле турында шигырьләр сөйләде. Алар шул рәвешле "Туган телне саклыйк" акциясенә кушылды. Бу хакта театрның матбугат үзәге хәбәр итә. “Коллективның бер төркем артисты - Лениногорскида гастрольләрдә. Алар бүген балалар өчен татарча спектакль күрсәтә, без, монда калган артистлар, бөтенебез чыгып чын күңелдән “Туган тел”не җырладык”, - ди артистлар.

Әлмәт театры репертуарында 37 спектакль бар. Сезон ахырында спектакльләр саны 40ка җитәчәк, дип ышандыралар. Үткән сезонда театр 300 тапкыр спектакль күрсәткән. Театр бу сезонда 50 мең тамашачыга татар телендә спектакль күрсәтә. Ул аны стационарда гына түгел, Татарстан районнарында да, татарлар яшәгән башка төбәкләргә дә алып чыга. Әлмәт татар дәүләт драма театры – иң күп фестивальләргә йөрүче театр.

#Әлмәт театры

Сәхифәләр

Әлмәт театры артистлары флешмобка кушылды – театр алдында “Туган тел”не җырлады