Әлмәт театры алты номинациядә «Алтын битлек» театр премиясе номинанты булды
Әлеге театр моңа кадәр дә «Алтын битлек» номинанты булганы бар.
(Казан, 20 ноябрь, «Татар-информ», Рузилә Мөхәммәтова). Әлмәт театрының «Көзге сере» («Королевство кривых») спектакле алты номинациядә «Алтын битлек» театр премиясен дәгъва итә. Исемлек «Алтын битлек» сайтына урнаштырылган.
Әлмәт театры драма/зур формалы спектакль, режиссер эше (Антон Федоров), хатын-кыз роле (Ләйсән Заһидуллина), икенче пландагы хатын-кыз роле (Мәдинә Гайнуллина), икенче пландагы ир-ат роле (Раушан Мөхәммәтҗанов) һәм драматург эше (Арсений Фарятьев) номинацияләрендә күрсәтелгән.
Әлмәт театрының бу спектакле үткән сезон премьерасы. Әлеге театрның беренче тапкыр гына «Алтын битлек» номинанты булуы түгел.