Әлмәт спортчылары өч алтын һәм бер көмеш медаль иясе булды
Красноуфимск шәһәрендә «Наркотикларга каршы бокс» девизы астында төбәкара бокс турниры узды.
Скопировать ссылку
(Казан, 19 ноября, «Татар-информ», «Әлмәт таңнары»). 15-17 ноябрьдә Әлмәт спортчылары алдынгылар рәтендә булды. Бу турыда район басмасы хәбәр итә.
Турнирда Свердловск, Чиләбе, Түбән Новгород, Киров өлкәләре, Пермь крае, Башкортстан Республикасы, Татарстан Республикасы һәм хәтта Таҗикстаннан килгән командалар да катнашты.
Ярыш нәтиҗәләре буенча беренче урынны Илназ Йосыпов (36 кг), Артем Бормотов (38,5 кг) һәм Хазар Мехтизаде (56кг) алды. Ә Роман Манукян (38,5 кг) икенче урынга ия булды.
Тренерлары - Р. Низамиев һәм С. Бормотов.