news_header_top
16+
news_header_bot
news_top

Әлмәт районындагы инеш тирәсен төзекләндерәләр

Башкаручыны 3 сентябрь көнне уздырылачак аукционда билгелиләр.

(Әлмәт, 24 август, "Татар-информ", "Әлмәт таңнары"). Әлмәт районының Рус Акташы авыл җирлегендә урнашкан инеш тирә-ягын төзекләндерүгә 1 млн сум акча бүлеп бирелә, дип яза җирле басма.

Тендер Россия Федерациясенең Дәүләт сатып алулар порталына эленгән. Бу эшчәнлек “Экология һәм табигатьтән файдалану департаменты” заказы буенча башкарыла.

Төзекләндерү эшләре кысаларында яр буе зонасын, үзәннәрне чистарту, яшелләндерү һәм башка эшләр башкару планлаштырылган.

Башкаручыны 3 сентябрь көнне уздырылачак аукционда билгелиләр. Әлеге хезмәт күрсәтү 30 ноябрьгә кадәр башкарыла.

news_right_1
news_right_2
news_bot