Әлмәт районында янгын турында хәбәр иткеч фатир хуҗасы тормышын саклап калган
Янгын Ленин урамындагы 201нче йортның җиденче катындагы балконда чыккан.
(Казан, 7 август, “Татар-информ”). Әлмәт районында тугыз катлы йортта янгын турында хәбәр иткеч фатир хуҗасы тормышын саклап калган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Бердәм 112 бердәм номерына Ленин урамындагы 201нче йортта янгын чыгу хәбәре алынган.
Урынга килгән 65нче янгын сүндерү-коткару часте хезмәткәрләрен җиденче каттагы фатир хуҗасы каршылаган. Ул йоклаган вакытта кинәт янгын турында хәбәр иткеч тавышына уянуын, ә балконда әйберләре януын күргән, үзлектән сүндерергә керешкән.
Фатир һәм хуҗа үзе зыян күрмәгән.
