Әлмәт районында яңа универсаль спорт мәйданчыгы ачтылар
Әлмәт районындагы иң яхшы волейбол командасы Иске Суркино авыл җирлегендә.
Скопировать ссылку
(Казан, 31 август, “Татар-информ”). Әлмәт районында Иске Суркино авыл җирлегендә мәктәптә спорт мәйданчыгы ачылды. Бу хакта Әлмәт районы башлыгы матбугат хезмәте хәбәр итте.
Спорт мәйданчыгы волейбол, баскетбол, минифутбол уйнарга көйләнгән. Спорт мәйданчыгын төзегәндә яңа технологияләр һәм материаллар кулланылган.
Иске Суркино авыл җирлегендә Әлмәт районындагы иң яхшы волейбол командасы бар.
Физкультура укытучысы һәм җирле волейбол командасы тренеры Евгений Архипов әлеге мәйданчык булачак чемпионнар әзерләү өчен зур әһәмияткә ия, дип белдерде.