news_header_top
16+
news_header_bot
news_top

Әлмәт районында сукачылар конкурсы узды

Конкурста 22 механизатор катнашты

(Казан, 1 июнь, "Татар-информ"). Әлмәт районында район хуҗалыклары арасында сукачылар конкурсы узды. Конкурста 22 механизатор катнашты. Бу хакта ТР муниципаль берәмлекләр порталы хәбәр итә.
4 номинация буенча нәтиҗә ясалды. Төп дисциплинада “Хәбибуллин” крестян-фермерлык хуҗалыгыннан Фаил Хәлфин җиңде. Чираттагы номинациядә “Чулпан” ҖЧҖтән Габделәхәт Фәттахов беренче урын алды.
Жюри тракторларның техник хәлен бәяләде, иң яхшы механизатор дип Токарликов исемендәге ААҖннән Петр Радаев билгеләнде. Яшьләр арасында аерым конкурс булды, “Ярыш” ҖЧҖтән Андрей Барсуков иң яхшы яшь белгеч дип табылды.
Әлмәт муниципаль район башлыгы Ришат Әбүбакиров авыл механизаторлары бәйрәменә әзерлек һәм үткәрүне югары бәяләде.
“Россия авыл хуҗалыгы үзәге” Федераль дәүләт идарәсенең ТР буенча филиалы җитәкчесе Таһир Һадиев бүгенге көндә мондый киң күләмле ярышлар республикада бердәнбер дип билгеләп үтте.

news_right_1
news_right_2
news_bot