Авыл 18 ноябрь 2018 12:50

Әлмәт районы Камы-Исмәгыйль авылында үзара салым акчаларына чишмәләр төзекләндерәчәк

Моңа кадәр үзара салым акчасына юллар тәртипкә китерелгән, зират капкалары алыштырылган.

Скопировать ссылку

(Әлмәт, 18 ноябрь, "Татар-информ", "Әлмәт таңнары"). Әлмәт районы Камы-Исмәгыйль авылында үзара салым акчаларына чишмәләр төзекләндерергә җыеналар. Бу хакта "Әлмәт таңнары" газетасы хәбәр итә.

Авылда барлыгы теркәлеп һәм теркәлмичә 710 кеше яши. Шуларның 494 бүген референдумда катнашырга тиеш. 9 сәгать 45 минутта тавыш бирүчеләр саны 23 процент тәшкил иткән иде. 12 сәгатькә бу сан 37 процентка җиткән.

Гадәттә сайлауларда һәм референдумнарда камыисмәгыйльлеләр активлык күрсәтә - 95-97 процент кеше катнаша иде. Тулаем алганда, авыл халкы үзара салым якл, диелгән әлеге хәбәрдә.

“Бик кирәкле чара. Үзебезнең файдага бит. 200 сум күп акча түгел инде ул. Һәркемнең мөмкинлегеннән килерлек”, – диде Нәҗит Габдерәшитов.

Моңа кадәр үзара салым акчасына юллар тәртипкә китерелгән, зират капкалары алыштырылган. Быел җыелган акчага чишмәләр төзекләндереләчәк. Халык җыенда әнә шундый карарга килгән.

#үзара салым #референдум

Сәхифәләр

Әлмәт районы Камы-Исмәгыйль авылында үзара салым акчаларына чишмәләр төзекләндерәчәк