Җәмгыять 2 сентябрь 2014 21:44

Әлмәт психоневрология диспансеры белгечләре катнашында конференция булды

Уртача гомер озынлыгы арту белән өлкән яшьтәгеләр арасында акыл зәгыйфьлеге белән авыручылар да күбәя...

Скопировать ссылку

(Казан, 2 сентябрь, “Татар-информ”). Әлмәт психоневрология диспансеры белгечләре катнашында сәламәтленккә багышланган конференция узды.

Уртача гомер озынлыгы арту белән өлкән яшьтәгеләр арасында акыл зәгыйфьлеге белән авыручылар да күбәя. Белгечләрне авыр хәлгә куйганы шул: күңел саулыгы какшаган өлкән яшьтәге әти-әниләрен балалары хастаханәгә урнаштырып котылмакчы.

Хастаханәдә исә акылга зәгыйфь кешене гомер азагына кадәр тота алмыйлар. Шуңа күрә республика клиник психиатрия хастаханәсе табиблары социаль яклау министрлыгына интернатларда психоневрология урыннарын арттыру зарурлыгы турында тәкрарлап тора. Моннан тыш, быел әлеге клиникада, шундый катлаулы хәлдә калган авыруларның, аларның гаиләләренең тормыш шартларын җиңеләйтү максатында, паллиатив ярдәм бүлеге ачылган.

Әлмәт психоневрология диспансерында 2,3 меңкеше исәптә тора. Шуларның 80е - балалар һәм үсмерләр. Моннан тыш, 2,6 меңләп кеше консультатив ярдәм төркемендә санала, дип хәбәр итә “Әлмәт таңнары” басмасы.

Сәхифәләр

Әлмәт психоневрология диспансеры белгечләре катнашында конференция булды