Әлмәт пляжы яшьләрне үзенә җыйды
Яшьләр көнен шәһәр һәм "Татнефть"компаниясендә хезмәт куючылар ел да үзгә итеп уздыра.
Скопировать ссылку
(Казан, 1 июль, "Татар-информ", "Әлмәт таңнары"). Әлмәт пляжы барлык яшьләрне үзенә җыйды, дип яза район газетасы.
Яшьләр көнен шәһәр һәм "Татнефть"компаниясендә хезмәт куючылар ел да үзгә итеп уздыра.
Быел аның урыны итеп пляж сайланган. Бәйрәм сәгать 10 да ук башланды. Яшьләрне район башлыгы Айрат Хәйруллин, "Татнефть" ААҖ профсоюз комитеты рәисе Гомәр Яруллин, компания яшьләренең яңа лидеры Дмитрий Несмин котлады. Яшьләр пляж волейболында, стритбол, воркаут, шахмат, биеклеккә менүдә көч сынашты. Төрле урыннарда тематик зоналар һәм мәйданчыклар эшләде, диелә хәбәрдә.