Әлмәт паркында балалар Россиянең танылган язучылары белән очрашачак
Анда “Глаголица” сәнгатьле уку бәйрәме узачак
(Казан, 25 сентябрь, “Татар-информ”). Әлмәт паркында “Глаголица” сәнгатьле уку бәйрәме 4 октябрьдә узачак. Бәйрәм кысаларында балалар танылган Россия язучылары: Сергей Махотин, Михаил Яснов, Анна Русс, Андрей Абросимов һәм әдәбият тәнкыйтьчесе Ксения Молдавская белән очрашачак.
Бәйрәм кунаклары шәһәр китап кибетләре тарафыннан булдырылган китап ярминкәсендә булачак, “Самокат”, “Книжки и Фишки”, “Татарстан китап нәшрияты”ның китап күргәзмәсе һәм шәһәрнең баш архитекторы Алмас Идрисовның шәхси күргәзмәсе белән танышачак. Шулай ук Алмас Идрисов мастер-класс та уздырачак, дип белдерә “Әлмәт таңнары” басмасы.