Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әлмәт онкодиспансерында радиология корпусы ачылачак
Радиотерапия яман шешне дәвалаучы өч ысулыннан берсе булып тора.
(Әлмәт, 2 февраль, "Татар-информ", "Әлмәт таңнары"). Агымдагы елның сентябрь аенда Әлмәттә Республика клиник онкология диспансеры филиалының радиология корпусын ачарга планлаштыралар. Бу турыда җирле басма хәбәр итә.
Аның төзелеше инде узган елның август аенда ук башланган иде. Төзелеш эшләрен Бөгелмә шәһәренең “Жилсервис” оешмасы алып бара. Радиотерапия яман шешне дәвалаучы өч ысулыннан берсе булып тора. Хәзер Әлмәт онкодиспансерында ике генә ысулны, ягъни профессиональ хирургия һәм химиотерапияне кулланалар.
Радиология корпусында кеше организмынының сәламәт тукымаларына һәм органнарга зыян китермичә генә дәвалау мөмкинлеге бирүче махсуслаштырылган технологияләр кулланачаклар. Пациент барлык процедураларны бер урында уза алачак. Белгечләр нурланышның дөрес микъдарын яман шеш стадиясенә һәм аның күләменә карап сайлый алачак.
Кызыклы яңалыкларны күзәтеп бару өчен Телеграм-каналга язылыгыз