Дин 11 ноябрь 2016 12:42

Әлмәт мөхтәсибәте шәһәр халкын "Татарча диктант" язарга чакыра

20 ноябрьдә татарча диктантны “5”ле билгесенә язганнарга бүләкләр тапшырылачак.

Скопировать ссылку

(Казан, 11 ноябрь, "Татар-информ") Татарстанның Әлмәт мөхтәсибәте җирле халыкны 20 ноябрьдә татарча диктант язарга чакыра, дип хәбәр итә ТР Диния нәзарәтенең матбугат хезмәте.

Бу белем бирү чарасы татар телен саклау һәм үстерү максатында Әлмәт мөхтәсибәте тормышка ашырган “Туган телем” проекты кысаларында оештырыла. “Татарча диктант” акциясендә өлкәннәр дә, балалар да катнаша ала. Диктант Әлмәтнең үзәк мәчетендә 14.00 сәгатьтә башланачак. “5”ле билгесенә язганнарга бүләкләр тапшырылачак.

Әлмәт мөхтәсибәтенең яшьләр бүлеге шәһәрдә быел сентябрьдән татар теле курслары да ачып җибәргән иде.

#Әлмәт мөхтәсибәте #ТР Диния нәзарәте #Татарча диктант

Сәхифәләр

Әлмәт мөхтәсибәте шәһәр халкын "Татарча диктант" язарга чакыра