Җәмгыять 26 ноябрь 2014 09:58

Әлмәт коммуналчылары мылтыктан атты

Муниципаль спартакиада бара

Скопировать ссылку

(Казан, 26 ноябрь, “Татар-информ”). Торак-коммуналь хуҗалык предприятиеләрендә хезмәт куючылар арасында уздырыла торган спартакиадага йомгак ясарга берничә ай гына калып бара.

Әлмәттә бу юлы пневматик мылтыктан атуда осталык сыналды. Әлеге ярышта 11 предприятие көч сынашты. Быел ярышларга бераз үзгәрешләр дә кертелгән иде. Әгәр спартакиадада җитәкче дә катнаша икән, өстәмә балл өстәлә. Кайберәүләр бу форсаттан файдаланды да. Шәхси зачетта иң төз мәргәнче булып “Әлмәт-Водоканал”дан Наталья Урманова булып чыкты. Команда буенча иң күп баллны “Надежда”, “Темп”, “Успех” җәмгыятьләренең берләштерерлгән командасы туплады. АПТС икенче, “Әлмәт-Водоканал” өченче урынга чыкты, дип яза “Әлмәт таңнары” газетасы.

Сәхифәләр

Әлмәт коммуналчылары мылтыктан атты